У нас уютно как дома

O‘zbekiston Mehmon uylari va hostel egalari assotsiatsiyasi tomonidan  “Mehmondo‘stlik akademiyasi”, Madaniyat va turizm vazirligi hamda Jizzax viloyati hokimligi bilan birgalikda O‘zbekiston Respublikasi Oliy Majlisi huzuridagi NNT va fuqarolik jamiyatining boshqa institutlarini qo‘llab-quvvatlash jamoat fondi tomonidan moliyalashtirilgan “Oilaviy mehmon uylari – qishloq hududlarida ayollar va yoshlar tadbirkorligini rivojlantirish vositasi” loyihasi doirasida joriy yil 15-16-iyul kunlari Jizzax viloyatining Zomin tumanidagi “Duoba” MFYda istiqomat qiluvchi 35 nafar fuqarolar (xususan yoshlar va xotin-qizlar) uchun 2 kun davomida seminar-trening tashkil etilib, treningda, mutaxassislar tomonidan oilaviy mehmon uylari faoliyatini tashkil etish, yuritish, marketing, targ‘ibot qilish, turistlarni jalb etish, xizmat ko‘rsatish (servis jarayonlari, jumladan kutib olish, joylashtirish, xona xizmati, ovqatlantirish, sanitariya-gigiyena talablari, muomala madaniyati va boshqalar), shuningdek boshqa tashkiliy-huquqiy masalalar bo‘yicha bilim va ko‘nikmalar berildi. 

Shuningdek, 2-kun yakunida seminar-trening doirasida mavjud mehmon uylari va oilaviy mehmon ularini tashkil etish istagida bo‘lgan qiziquvchilar bilan davra suhbati tashkil etilib, savol javoblar, shu bilan birga muammo va kamchiliklar birgalikda muhokama qilindi va trenerlar tomonidan maslahatlar berildi. 

Seminar-trening yakunida ishtirokchilarga malaka sertifikatlari topshirildi.

Ushbu yo‘nalishdagi “Oilaviy mehmon uylari – qishloq hududlarida ayollar va yoshlar tadbirkorligini rivojlantirish vositasi” loyihasi doirasidagi ishlarni tizimli tashkil etish maqsadida avgust oyida Jizzax viloyatining Forish va Baxmal tumanlaridagi turizm salohiyati yuqori qishloqlarda ham kelgusida oilaviy mehmon uylari faoliyatini tashkil etishga qiziqishi yuqori bo‘lgan yoshlar va xotin-qizlarni keng jalb etgan holda, seminar-treninglar tashkil etilishi rejalashtirilgan.

Mazkur seminar-treninglarni tashkil etishdan ko‘zlangan maqsad, qishloq aholisini daromadlarini oshirish, qishloqlarda yangi ish o‘rinlarini yaratish, mahalla va qishloq aholisi orasida turizm madaniyatini shakllantirish va infratuzilma holatini yaxshilash pirovardida mahalliy aholini turmush darajasini oshirishga qaratilgan.

Ўзбекистон Меҳмон уйлари ва хостел эгалари ассоциацияси томонидан Ўзбекистон Республикаси Олий Мажлиси ҳузуридаги ННТ ва фуқаролик жамиятининг бошқа институтларини қўллаб-қувватлаш жамоат фонди грант маблағлари ҳисобидан молиялаштирилган “Оилавий меҳмон уйлари – қишлоқ ҳудудларида аёллар ва ёшлар тадбиркорлигини ривожлантириш воситаси” лойиҳаси доирасида Жиззах вилоятининг Зомин, Фориш ва Бахмал туманларидаги туризм салоҳияти юқори қишлоқлардаги ёшлар ва хотин-қизлар учун оилавий меҳмон уйлари ташкил этиш ва ривожлантириш бўйича семинар-тренинглар ташкил этилиши режалаштирилган.

Ўзбекистон Меҳмон уйлари ва хостел эгалари ассоциацияси томонидан ушбу грант лойиҳаси доирасида семинар-тренингларни Жиззах вилоятининг Зомин, Бахмал ва Фориш туманларида ташкил этиш юзасидан тадбиркорлик субъектлари ва ННТлари ўртасида танлов эълон қилади.

Танловда иштирок этиш истагида бўлган тадбиркорлик субъектлари ва ННТларидан юқорида кўрсатилган семинар-тренингларни ўтказиш бўйича қуйидагиларни инобатга олган тижорий таклифлар (нархлари кўрсатилган ҳолда) қабул қилиниши эълон қилинади:

- Семинар-тренинглар ўтказиладиган туризм салоҳияти юқори аҳоли пунктларини Ассоциация ва Ўзбекистон Республикаси Маданият ва туризм вазирлиги билан биргаликда аниқлаш;
- Иштирокчилар рўйхатини шакллантириш;
- Семинар-тренинглар дастурини ишлаб чиқиш ва Ассоциация билан келишиш;
- Тарқатма ва кўргазмали материалларни тайёрлаш ва чоп этиш;
- Соҳа бўйича малакали тренерларни жалб қилган ҳолда Жиззах вилоятининг Зомин, Бахмал ва Фориш туманларига борган ҳолда жами 105 нафар ёшлар ва хотин-қизларга оилавий меҳмон уйлари ташкил этиш, юритиш, маркетинг, тарғибот қилиш, туристларни жалб этиш, хизмат кўрсатиш (сервис жараёнлари, жумладан кутиб олиш, жойлаштириш, хона хизмати, овқатлаштириш, санитария-гигиена талаблари, муомала маданияти ва бошқалар), шунингдек бошқа ташкилий-ҳуқуқий масалалар бўйича семинар-тренингларни ўтказиш;
- Семинар-тренинглар якуни бўйича барча иштирокчиларни тест синовларидан ўтказиш ҳамда натижалари бўйича малака сертификатлари бериш;
- Семинар-тренингларда қатнашган фаол иштирокчилардан саралаб олган ҳолда ҳудудий тренерларни тайёрлаш;
- Семинар-тренингларга жалб қилинган тренерлар, мутахассислар ва лойиҳа координатори учун гонорарлар бериш;
- Семинар-тренинглар ўтказиладиган ҳудудларга тренерлар ва ташкилотчиларнинг хизмат сафари билан боғлиқ харажатларни қоплаш;
- Семинар-тренинг жараёнлари учун концелярия молларини харид қилиш;
- Семинар-тренинг жараёнлари ва якунлари бўйича медиа материаллар (фото, видео) тайёрлаш ва ОАВларида фаол ёритиш;
- Семинар тренинг иштирокчиларининг оилавий меҳмон уйларини ташкил этиш жараёнларига кўмаклашиш ҳамда 2024 йил феврал ойига қадар ҳуқуқий ва ташкилий ёрдам кўрсатиш;
- Семинар-тренинг якунлари бўйича молиявий ва таҳлилий ҳисоботларни (Ўзбекистон Республикаси Олий Мажлиси ҳузуридаги ННТ ва фуқаролик жамиятининг бошқа институтларини қўллаб-қувватлаш Жамоат фонди ҳисобот шаклига асосан) Ассоциацияга тақдим этиш.

Семинар-тренингларни ўтказиш жойи Ўзбекистон Республикаси Маданият ва туризм вазирлиги ҳамда Ассоциация томонидан ташкил этилади.

Тижорат таклифлари 2023 йил 9 июнь 17-00 га қадар Ассоциациянинг электрон манзилига (muxea1@gmail.com) электрон (Microsoft word ҳамда тасдиқланган, муҳрланган, сканерланган PDF) кўринишда тақдим этилиши лозим. Мурожаат учун телефон: +998954409320